韓國女團f(x)成員Krystal同韓流天王Rain，合演完劇集《對我而言可愛的她》後各自搵食，近日更不約而同各自為時尚雜誌影咗一輯靚相。

早前，Krystal現身米蘭街頭騷性感香肩，又喺室內著短裙晒長腿，甫士十分誘人。Krystal接受《InStyle》雜誌訪問時透露，認為比起追潮流，更鍾意有自己風格嘅打扮。問到佢用音樂可以點樣踢走孤單感時，佢表示：「我會瞓喺度，或者翻煲睇過嘅電影，因為咁樣做就會冇時間諗其他事情。」

至於Rain，則以黑衣打扮為另一本雜誌影相，散發型格魅力。