昨晚（20日）第三場四班1650米賽事，幾匹熱門馬僅「按得澄」跑回一席第二，頭馬係17倍之「歡喜心」，出自蔡約翰都咁和味，或者拜十三少所賜。

點解咁講，呢場韋達胯下匹「再創商機」最初至臨場原本只係徘徊次熱或第三熱門，殊不知到最後開跑一刻卻過埋「靚先生」、「按得澄」頭，搖身一變成為3.3倍頂頭大熱，以現時十三少的號召力，竟仍有如此重飛確令人嘖嘖稱奇。

不過，「再創商機」落飛唔等於有料到，最終馬匹只跑獲第七名；賽後不少人或歸咎韋達根本唔值呢個賠率，但賽後報告指「再創商機」原來流鼻血，如果大家怨騎師發揮似乎勉強。

同晚賽後公佈流鼻血馬尚有第七場「砂漿邦」。