優雅低俗燈塔式競馬雜誌《水圍與巴黎》第四集又上線了！

今次，家住大西北嘅天水圍首席吹馬家（好似係）阿秋，為咗刺激收視，佢預告若有十萬點擊率，其中一位主持人就會除衫或者褲，想知邊個咁大口氣，入嚟睇片先啦！

講起衫，靚靚人妻Paris咁多集以嚟未撞過衫，相反阿秋次次都係波衫，究竟佢哋係咪暗中攞咗贊助，唔講俾其他人知呢？之後，佢哋會講關於馬嘅「衣着」同外形，想知就繼續留意《水圍與巴黎》！

P.S.：下集會有兩位特別嘉賓上嚟《水圍與巴黎》踩場，同阿秋、Paris一齊發放笑彈！