【邊個抽緊水？】袁彌明譏林作「西環契弟」 麥明詩狠答：唔關我事

蘋果日報 2017/09/01 19:43

袁彌明麥明詩林作白頭到老唔關我事西環契弟
    作為女性，關心自己嘅終身幸福真係人之常情。麥明詩日前喺節目中講到，好擔心年紀大咗，「市值」低咗，講講下，仲因為擔心未來老公可能會拋棄妻子，最後哭成淚人。
    連「十優港姐」都有呢個煩惱，難怪參選過港姐嘅袁彌明，都喺facebook撰文鼓勵，但就拉埋林作落水，留tag直指「當十優港姐遇上西環契弟」，結果林作嬲到撰文反問：「do I even know you? 」（新聞連結： http://bit.ly/2vwJrVf ）
    處於漩渦嘅中心，麥明詩今日喺西環出席新錶鑑賞會，講到林袁兩人因為佢有口舌之爭，麥明詩第一個反應係：「唔關我事，佢哋之嘛。」
    估唔到呢，答案竟然係咁，不過麥明詩對節目嘅言論有少少補充，佢話：「節目入面嘅說話，唔係針對任何人，節目出到嚟，好多人覺得我認為女人嘅價值係結婚生仔，呢個唔係我嘅意思，之不過純粹喺經濟學角度去睇，反應番現實。好多人想搵個伴，有個完整家庭，無論男女，都唔想另一伴突然間走咗去。」
    麥明詩續道：「男人去到嗰個年紀，就會多啲選擇，女仔相對上就少啲，其實好多男仔都好珍惜自己另一半。」但佢喺節目講講下喊，又係乜原因呢？佢話：「我自己都好希望搵個人白頭到老，但呢個年代大家會去好多唔同地方，面對太多誘惑，要搵個人白頭到老越嚟越難，自己真係有啲唏噓。」
    至於林作有冇抽水？麥明詩原來有留意對方，佢話：「其實都有留意到佢呢半年都冇答有關我嘅嘢，我覺得呢個答法幾好，所以我都唔回應佢嘅嘢喇。」
    empty
    empty
    袁彌明喺facebook撰文，譏林作「西環契弟」。
    empty
    袁彌明噚晚曾回覆稱：「未有回應」（資料圖片）
    empty
    至於林作都有反擊，仲好狠咁講：「do I even know you?」
    empty
    林作回覆就指呃like唔可以姑息。（資料圖片）
    empty
    事件起源係因為麥明詩喺節目嘅一番言論，話女人年紀大咗，市值會低咗。
    empty
    佢話林袁有爭執，唔關佢事，仲為節目言論補充，唔係針對任何人。
    empty
    empty
    上次喺節目講到喊…（電視截圖）
    empty
    （電視截圖）