聽日中秋人月兩團圓…新婚嘅舒淇早上8點先抵港，雖然成程冇回應記者嘅問題，但就不時展露笑容(新聞連結： http://bit.ly/2cHQKNM )，原來佢哋兩公婆玩前後腳返港。

馮德倫今日就會坐飛機由捷克返香港，聽日就會返嚟同舒淇過婚後第一個中秋節。據知本來馮德倫要去英國愛爾蘭，與好友吳彥祖拍新片，不過佢同舒淇都好重視節日，所以馮德倫決定先返港，約埋家人一齊食餐飯，同舒淇浪漫一下，先再起行。