罵戰定宣傳？
王宗堯熄火　讚莊思敏認真

蘋果日報 2016/01/10 00:00

蘇麗珊、游學修、王宗堯和周家怡等人前晚在尖沙嘴出席電影《復仇勇者》首映，久未露面的周家怡，穿上黑色透視的Deep V衫，非常性感。曾經與莊思敏展開罵戰的王宗堯，他說：「好開心完成件事，係創舉，我哋幾經調動時間先可以完成一日戲份，大家做嘢認真，控制得到。」問到有否改觀，他說：「大家都冇乜， 見佢染咗深紅，佢好專心做晒，好盡力。」
empty
莊思敏　資料圖片
empty
Coffee不介意林知譽不派帖請飲。
蘇麗珊愛的宣言
談到早前游學修出席港台節目《我係乜乜乜》敗給劉鑾雄大仔劉鳴煒，事後不少人覺得游學修明輸暗贏，他說：「冇諗過呢樣嘢，各有各意見，我唔會自居男神，事實係差好遠，我覺得自己見識唔夠同經驗淺。」在旁的女友蘇麗珊被問會選擇哪類男士，她甜笑說：「咁梗係揀佢（游學修）喇，我覺得同有錢人一齊，距離會太遠，我係草根家庭出身，平凡會開心啲！」游學修即說：「將來有錢咪分手？」蘇麗珊則大派定心丸說：「唔係，要習慣，只要大家一齊成長就已經好好！」
林芊妤（Coffee）被問有否為前男友林知譽結婚而傷心，她說：「一啲都冇，件事過咗咁耐，戥佢開心！」問到當時有否談過婚事？她坦言：「冇諗到結婚咁遠，發生呢件事，各有各生活，佢太太好靚女，好匹配。」會否覺得對方不邀請婚宴，感覺小家？她直言：「唔會，其實唔係好熟，大家明白，如果我喺現場反而會令所有人尷尬，希望唔會影響到佢，件事影響大家好深！」
採訪：王連連
攝影：沈健程
empty
蘇麗珊高調晒愛，指男友游學修是不二之選。
empty
周家怡前晚穿起Deep V透視衫，遭好友陳詩慧及黃美棋調戲。