碧咸（David Beckham）又有新搞作！近日碧咸就上名嘴James Corden節目，接受訪問之餘仲一齊演趣劇，分別飾演占士邦（James Bond）同邦女郎！由於電影占士邦的新男主角尚未落實，James Corden就借題發揮，於短劇中同碧咸齊齊扮試鏡，為上位爭餐死！

短劇中，碧咸一坐底就被James寸：「而家唔係賣底褲廣告喎！」難得咸爺忍到笑，之後佢地一齊著晒西裝試鏡，當然James例牌做丑角，到最後一幕，碧咸一行入房，竟然見到James變咗邦女郎！到最後玩得太過份，兩個都齊齊落選，結果決定走去扮蝙蝠俠，相當搞笑！