首位身兼飛機師嘅立法會議員譚文豪終於考到的士牌，向來考牌一Take pass嘅佢呢次並非一帆風順，兩次肥佬第3次先成功，譚文豪手持成績單時相當開心：「今次威過牛津畢業！」佢大嘆呢個試極難考，最難莫過於試卷中嘅「交通例」。

何解明明揸飛機，走去揸的士？譚文豪話除咗挑戰自己，更因為自己1年前獲委任為的士服務質素委員會委員：「我好想了解呢個行業，例如點解咁難吸引年輕人入行。」佢話單係考試時間，考生已經冇得揀，形容安排相當趕客，「我覺得起碼應該畀人揀考試時間，唔少都要返工，唔係人人得閒嚟考試。」

至於合格門檻都相當高，「地方名」部份20條中，要答啱18條或以上，「交通例」部份則要答啱95條或以上。佢問八方知唔知「螢幕圈」喺邊？幾時先可以由左方「爬頭」？八方都唔識答。

譚文豪話為咗了解呢個試有幾難，佢決定唔報精讀班，單係狂讀運輸署嘅小冊子，佢嘅體會係其實「地方名」嘅測試冇咩用，如果真係想考啲考生識唔識，應該問考生點樣去，而唔係問個地方喺邊？佢話搵日會租架的士做司機體驗一下，保證絕不拒載。

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/UkZT7poxmV