自從之前超級颱風「山竹」襲港後，海洋將幾十年前嘅垃圾沖返上地面，港人發現大部份垃圾都係難以分解嘅塑膠，當中仲有成幾十年前嘅膠製品，令外界更加關注減塑話題，同埋點樣環保，為呢個地球出一分力。

好似一向留意時事嘅韓國影后金惠秀咁，佢除咗關心時事，亦都好關心環保，近日佢就成為SBS提倡減少塑膠嘅節目《NO塑料挑戰》嘅第一位嘉賓。

金惠秀直言十分關注環保問題，平日會使用保溫杯裝飲料，喺拍攝休息時亦會擔心海水上升同埋過份嘅包裝等環境問題，令到劇組都好驚訝。金惠秀話：「有次喺拍攝結束後見到化妝室嘅垃圾桶內，塞滿全日大家飲用過嘅礦泉水樽同埋咖啡瓶，從那次之後起，我嘅團隊就會帶備個人嘅保溫杯，有時喺不得不使用一次性杯子嘅時候，我就會寫低自己個名，努力喺一日內只用一個一次性嘅杯。」

同時金惠秀仲點名同樣力推環保嘅鄭雨盛及韓智敏做節目嘉賓，指佢哋對環保都好關注。

精選韓流，喺晒《娛果》
http://fb.com/appledailyent