T.V.眼中的杜麗莎是一個嚴謹又認真的人,對女兒要求甚高,但年輕人總有反叛的時候,曾經和媽咪兩年沒對話:「我唔會駁嘴,但冇同佢一齊住,揀同爸爸喺紐約住。我媽咪嘅性格,你唔同意佢,就覺得你唔尊重佢。喺香港,個個會話因為媽咪我至有呢個機會,起碼喺美國所做係自己努力得嚟。」
工作時常遇上阻滯,T.V.坦言亦有氣餒時,曾想離開演藝界,最後都是靠媽咪的鼓勵,重拾信心。從小被灌輸做事要認真,T.V笑言曾經以為媽咪不想女兒快樂:「媽咪覺得喺美國做亞洲人,唔可以求其。成日話做人唔可以太舒服,唱歌、畫畫、語言任我做,但唔會畀好多機會我出去玩。」T.V.的願望是在港置業兼供養父母:「想養番媽咪,佢話以前住廣播道,14歲第一次買樓畀佢父母。點解我幫唔到媽咪買樓?佢話𠵱家時代唔同,但我係想賺多啲錢畀媽咪買樓。」
採訪:王連連
攝影:林賓尼
場地提供:Wave Music Studio