梅媽覃美金晏晝去到尖沙嘴星光花園，出席女兒梅艷芳嘅《永恆時刻紀念展覽》，呢個展覽由芳心薈發起，展期由今日開始到明年2月28日，喺梅姐嘅銅像旁邊展出佢參演過嘅電影劇照同介紹。

除咗梅媽外，活動仲邀請咗莫鎮賢、張立基同鄧建明。早前有報道話梅媽向法庭申請領取梅姐合共7千多萬遺產(新聞連結： http://bit.ly/2gVFjoJ )，梅媽現在每月有20萬的生活費，連實報實銷的醫療費，粗略估計每年用400萬!

問到o依家進度如何？但梅媽表示今日活動唔講呢啲，佢話：「今日唔想講，等遲啲我心情好啲先講。」

嚟緊月尾仲有個關於梅姐嘅慈善演出，有份表演嘅莫鎮賢話，梅姐離世前佢都唔喺香港：「佢最後個演唱會我都無睇到，之後就已經冇機會啦。」仲透露對早前梅姐遺物被拍賣感到好痛心，自己有出手投咗幾件梅姐用過嘅飾物：「希望到時演出時戴住佢，就好似阿梅俾能量我咁。」