當年今日
關於我們

【又畀人擺上枱】緋聞男友新歌宣傳認曾Dating 林志玲:不回應

蘋果日報 2018/12/12 17:20

小三林志玲楊仁沛

44歲嘅「黃金盛女」林志玲,雖然佢喺事業發展好順利,但係感情方面就比較多波折,同言承旭嘅關係糾纏咗10幾年,但係都冇結果,最近言承旭喺影寫真嘅時候,公開多謝女友喺身邊,可惜呢個人唔係林志玲。而喺呢10幾年入面,林志玲同過馬桶小開邱士楷拍拖、舊年年初仲傳同大陸工程公司董事長殷琪嘅外甥楊仁沛(Chris)拍拖,仲有人聲稱喺前年嘅平安夜,見到佢哋喺同屋企人聚會,態度親暱。
其後林志玲默認Chris係新朋友,點知消息曝光之後,Chris被爆早已名草有主,林志玲即刻變咗做小三,但係林志玲話只係新識嘅朋友,唔會特別去過問呢啲事!
今日Chris喺台灣出席新歌發佈活動,唔使多講,話題當然係喺同林志玲嘅緋聞,佢話嗰陣透過朋友介紹而認識,有交換聯絡方式,亦都有短暫嘅Dating,但因為各忙各忙,所以已經冇聯絡。之後再問被指劈腿,Chris就解釋嗰陣已經同空姐女友分手,至於會唔會再追求林志玲,佢就話:「看緣份吧,如果有機會,那個機會就會出現。」事後亦有向林志玲了解,不過經紀人話:「不回應。」
精選娛聞,喺晒《娛果》
http://fb.com/appledailyent