噚日有報道大字標題話郭晉安同歐倩怡兩公婆為咗大仔令山而成日嗌交，仲嚴重到分房瞓。就快新年見到啲咁嘅新聞咪話唔擔心，幸好只屬虛驚一場，佢兩公婆係為咗囝囝搵學校嘅事有嘈過，但安仔一向聽晒小丸子老婆話；而且分房瞓都只係為咗訓練囝囝自己去廁所而已。

兩公婆噚日下午帶埋令山行花市，入夜後兩人拍拖拖去屯門睇《老表》結局，拖住手仔到場，表現恩愛。安仔話：「唔知點解有呢啲報道，我哋兩個之間有時為小朋友有爭拗，但係好嘅方面，係勞心勞力嘅一面，亦都有分房瞓，但係陪小朋友，一個陪好過兩個一齊陪。」安仔強調兩夫妻間冇不和，絕對冇影響夫妻間感情。

冇事就一天都光晒，開開心心過新年啦﹗