前亞視執行董事葉家寶同「亞視最後發言人」、前公關黃守東，今屆書展出咗本書《我和公關有個約會》，今日喺灣仔書展舉行簽名會，宮雪花同袁潔儀都有到場支持。

花姨寫咗「公關」呢個書法字送俾兩人，又性感出席，以低胸透視高衩裙，對腳若隱若現搶鏡，問到係咪想邀請花姨力抗一眾o靚模？家寶話：「佢一對十，無敵，係亞姐傳奇，有智慧同美麗。」

亞視噚日舉行咗記者會，宣佈會再舉行《2018亞洲小姐競選》，葉家寶曾被稱為「亞姐之父」，對於亞姐復辦，家寶就話都有聽過，但就未必會幫手：「唔係話幫就幫，人生都有唔同階段。」但亞視冇電視台，怕唔怕會輸蝕啲？佢話：「o依家係新媒體時代，唔淨只做選美，仲可以做旅遊小姐、文化小姐，最緊要質素要好，當年亞姐冇咗花姨，亞姐就冇睇頭喇。」花姨話當年亞姐有33點收視，都係靠公關，仲委任咗黃守東做佢公關。

袁潔儀14年入番亞視，見到葉家寶同黃守東，付出咗好多精神，比其他藝人花更多精神，覺得佢哋好叻。

精選娛聞，喺晒《娛果》
http://fb.com/appledailyent