董敏莉同可嵐今日到荔枝角出席《港式婚姻的前世今生》講座，獲邀嘅可嵐話自己經歷過婚姻失敗﹕「曾經傷心同恐懼，但經一事長一智，會檢討自己同將來嘅愛情觀，而且唔會講前夫壞話。」

講到離婚經歷，可嵐話會令佢感到自卑﹕「即使有人追都覺得自己離過婚又有個仔，對人好無信心，又怕揀錯人，所以依家將心機專注落囝囝度。」又話聽日係囝囝七歲生日，已經安排好同佢開Party慶祝。

此外，另外，可嵐最近與新人黎俊彥合作新歌《心聲回應》，並邀請好友姚浩政同前亞姐鄭伊娜拍MV，伊娜獻出螢幕上初吻，真的夠哂朋友。

據悉《心》係同癌症資訊網合作，可嵐話認識一位朋友患癌，佢話﹕「佢有接受化療，但遺憾係佢未能陪伴太太誕下佢哋嘅小孩。我都希望用呢首歌，鼓勵患者能抱著希望嘅心態去面對。」

精選娛聞，喺晒《娛果》
http://fb.com/appledailyent