【新增影片】

重返歐聯賽場嘅曼聯禮拜二晚喺主場大炒瑞士嘅巴素利三蛋，你以為領隊摩連奴好滿意咩？咁你就錯晒喇！

摩佬唔單止唔開心，佢賽後更加嬲爆：「直到我哋領先2:0之前，成隊波都踢得好有信心。然後領先兩球之後就乜都變晒，踢起嚟完全唔認真，做嘅所有決定都係唔正確嘅。我哋幾乎令自己陷入險境，成隊波好似踢緊夢幻足球咁，似打緊PlayStation多過乜，我唔鍾意咁樣，踢得太花巧！呢啲完全係賭博一樣，踢波係要尊重對手。依家係唔知得失球差會唔會成為呢個小組嘅出線關鍵，總之隊波係完全失去優勢同隊型，失埋啲好簡單嘅波，我真係好唔鍾意咁樣，班球員放鬆得太多喇！」