打工仔大多對老闆無好感，如果有老闆遇到有心的員工應該會很窩心。50個員工打算夾錢買禮物賀老闆生日，由於老闆平日待員工不薄，大家講到明份禮要Grand（豪華），員工向Uwants論壇網友求教，可惜網民問非所答，結果得啖笑。

這位如此有心的員工是網民「joy123456」，網友「plastic_catcat」可能近排受朱培慶與歡場女子Coco的新聞啓發，建議「送女」畀老闆；網友「kidkid05hk」心地惡毒，認為給上司的禮物最好是「送鐘」（送終的諧音），網友「nelson320」搭訕，笑言可「送殯」。

「送文具最實際」

「繞楓」較為實際，可能明白員工經常將公司的鉛筆膠擦間尺等文具帶回家，所以建議送文具給老闆。網友亂噏一輪後，版主「dicksonlyh」請大家不要再搞爛gag，認真提出建議，豪華禮物的建議陸續有來，包括遊艇、玩具跑車、Vertu手提電話或勞力士等奢侈品。
還是網友「oj3145」最明白老闆心意，建議「送單億萬生意畀佢，佢一定鍾意。」自稱「超級外星人」的網友表示「齊齊送上一封辭職信，唔使錢，又夠驚喜。」最後有幾名網友建議買一張按摩椅，如果老闆真的收到這份禮，開心之餘應該還很「梳乎」。

《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]