日本組合SPEED成員今井繪理子同上原多香子先後爆出醜聞，上原多香子早前驚爆曾背夫偷食，以致不育丈夫TENN於三年前不堪打擊自縊身亡，醜聞令上原多香子受盡千夫所指，現時無限期工，盛傳有AV商正向佢招手，令佢隨時走頭無路步上脫星之路。

同時，近日亦盛傳已經從政嘅今井繪理子成為AV商嘅目標。今井繪理子早前被爆搭上有婦之夫議員橋本健，令其從政生涯陷入危機，之後今井再被爆向相熟議員派發啤酒券，有違反選舉法之嫌，引發更多人要求佢請辭。報道話有幾間AV商已經有意搵今井下海，等佢一辭職就會同佢聯絡，知情人士話呢啲AV商仲諗住食住今井搞不倫戀呢個話題，AV大玩懺悔情節，應該一定會大賣。