現年30歲嘅韓國男團2PM成員Jun.K，今年2月涉酒駕後一直停工，上月8號低調入伍於江原道楊邱第二師團怒濤新兵教育隊報到，接受為期4周嘅基礎軍事訓練後會繼續以陸軍身份服役。

不過現時服兵役嘅Jun.K今日就傳出身體不適，下顎出現麻痹症狀。根據韓媒報道指Jun.K於4月時進行過面部手術，但近日佢卻出現下顎異常及右下顎部份神經麻痹，現時未知佢係因為手術後遺症定係訓練時發生事故。同時因為正服兵役，所以Jun.K唔可以到相關醫院再次接受手術或者治療，而現時佢又冇話覺得好痛，所以將喺國軍醫院接受門診治療。

而Jun.K所屬嘅JYP事務所表示，因為係喺軍隊中發生嘅事，所以現時公司都唔清楚具體嘅事情經過。

更多韓流，喺晒《娛果》
http://fb.com/appledailyent