千萬求一路走數｜律師認為比賽酬金屬公開邀約 苦主可考慮民事索償
蘋果日報 2020/12/04 06:00
政協梁永鏗莊紫祥
梁永鏗律師認為，被拖欠酬金的評選員可用「公開邀約」的法律概念作出民事追究。資料圖片
今次拖欠比賽酬金（獎金）事件，法律界認為難以刑事追究，但苦主應有權民事索償。律師梁永鏗解釋，涉事的評選員可用「公開邀約」的法律概念作出民事追究，「（比賽係）單方面嘅邀約，一個contract（合約）咁樣，係有呢樣嘢㗎喎。雖然唔係白紙黑字簽嘅，但（比賽條款）係公開嘅」。梁指為評選員與主辦機構雖未有明文立約，但評選員可憑藉自己曾參與活動的各種紀錄作為證據興訟，「證據齊咗之後咪拎去民事（入稟），可以同佢民事索償應得嘅錢」。
對於主辦方曾解釋，未付的款額，公司現欲以酬金形式派發予評選員，大前提是評選員先與相關人士簽訂僱傭合約；然而梁律師質疑這說法講不通，因梁認為若「評選員」是一項工作，有關的合約應在他們工作前已簽妥，「原來要係僱員先做得（有酬金），你又唔早講？咁我而家做咗你又唔肯畀錢，呢個梗係有問題啦」。
但大律師陸偉雄認為，如在事前未有簽訂任何合約，一般而言，市民恐難以循法律途徑追討比賽獎金，「佢應承話派錢，但到頭嚟佢唔派呢，你追唔到佢㗎，因為大家都冇一個立約嘅意圖喺度」。
梁永鏗律師律師，被拖欠酬金的評選員可用「公開邀約」的法律概念作出民事追討。資料圖片
陸偉雄表示，如在事前未有簽訂任何合約，市民要成功索償並不容易。資料圖片
-----------------------------
你敢爆，我敢獎！ 立即WhatsApp 《蘋果》24小時爆相爆片熱線 或致電：63836568
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！