當年今日
關於我們

【拍大台新劇擾人清夢】謝安琪有份演:可能係拍打鬥

蘋果日報 2015/02/13 06:00

蘋果鄭嘉穎農曆新年謝安琪即時揭幕禮醉戀‧花海

謝安琪(Kay)今日穿透視裙於尖沙嘴出席《醉戀‧花海》揭幕禮,喺商場獻唱兩首歌。Kay話農曆年有三日假,初一、初二同家人拜年,初三同朋友拜年,初四就會開工,同鄭嘉穎拍新劇。

提到該劇被指喺西環拍攝,夜晚太嘈擾民,Kay話:「可能係拍打鬥,但佢哋應該會盡量將聲浪降低。」Kay話呢排成日拍通宵,佢都係今朝六點先收工,瞓咗幾個鐘就出嚟做嘢,佢又話之前拍新劇,如果有飢寒交迫場口,佢會全日唔食嘢,增加真實感。

Kay又話老公張繼聰今日放假,0依家同囝囝拍拖剪髮及買新衫,佢話:「前幾日阿仔寫咗封信話爸爸辛苦,好想念佢,真係好冧。」

提到情人節,Kay表示要開工,佢話會與嘉穎一起倒數,佢話:「佢一定話自己孤家寡佬,不過劇組會有好多女仔陪佢,佢唔會悶。」佢又話情人節準備了朱古力送給老公。至於會否再生?佢話太忙,暫未計劃。