當年今日
關於我們

【子彈橫飛】伍允龍兄弟班傾足16年 買槍釋放安志杰好身手

蘋果日報 2019/09/01 08:00

伍允龍安志杰樂安排潛行者

伍允龍與好兄弟安志杰及吳建豪合演的電影《潛行者》,蘊釀近16年終於推出,伍允龍與安志杰日前在九龍灣接受訪問。回想10多年前拍攝電影《少年阿虎》時,三人首次合作,當時在屯門樂安排開工,在等埋位期間,談到日後再合作拍電影的計劃,伍允龍說:「因為我哋都受80年代嘅電影影響,當時見到成龍大哥、洪金寶大哥同元彪大哥嘅戲,有動作又有喜劇成份嗰啲,我哋都想做呢類型嘅電影。講咗咁耐終於做到,今次我哋仲去返同嗰個location (屯門樂安排),大家坐返喺當日同樣嘅位置。」
首次擔任動作導演的伍允龍,笑言面對兩位好兄弟時亦難免意見不合:「咁梗係我讓步啦,不過我都有問佢哋想拍乜嘢動作場口。吳建豪揀咗蝴蝶刀,安志杰就話要玩槍,我就打拳頭交多。」問他是否最辛苦?安志杰謙稱大家同樣辛苦:「以前都係幫人設計動作,有啲idea未必有機會用到,今次可以將呢啲idea融番入去。」
問安志杰對首次擔任動作導演的伍允龍有何評價?他笑言睇住對方長大:「對我嚟講,佢唔係新手,由武師、替身、演員、動作演員到而家係producer,成績非常好,同埋佢有好多錢。」伍允龍即補充說:「佢話唔食飯要玩槍,咁我咪買一堆子彈畀佢玩囉。」
至於最難忘的場口,伍允龍認為是吳建豪玩蝴蝶刀那一場:「之前有啲試映場、優先場,大家反應都好好,覺得打得幾好睇,我自己都好鍾意。」安志杰最喜歡當然是自己的槍戰場面:「嗰個shot雖然分零鐘,但係又要配合機位,又話唔夠時間,最後拍咗兩個take就OK,我自己睇番都覺得靚。」
伍允龍又表示他們已有其他故事想拍,但需要投資者及觀眾配合,笑謂希望不用再等10年才與兩位兄弟合作:「10年後,腳都踢唔起啦,而家有經驗,知道邊啲可以做,邊啲唔可以做。」
採訪:盧妹
化妝、髮型:Shirley Lee(伍允龍)
-----------------------------
【撐學生】
召集有心人 撐學生全年睇《蘋果》
立即按此
empty
攝影:仇志德
empty
伍允龍、安志杰及吳建豪多年前曾合作拍《少年阿虎》,原來當時已經有傾要兄弟班開戲。
empty
安志以往幫人設計動作,今次可以將未用過的idea加入電影。
empty
伍允龍首次擔任動作導演。
empty
安志杰認為伍允龍有豐富經驗,最重要是——有錢。
empty
伍允龍非常鍾意吳建豪玩蝴蝶刀那一場。