韓國神劇《太陽的後裔》女星宋慧喬前日撇甩老公宋仲基，單拖飛北京出席噚日喺北京國家會議中心舉行嘅中韓經貿合作交流會，晚上就於人民大會堂出席國賓晚宴，跟國家主席習近平見面。

噚晚喬妹穿上Dior黑白色千鳥格斗篷赴國賓晚宴，相當高貴端莊，自然成為集郵對象，喬妹亦非常親民地跟其他賓客合照，當佢整理頭髮影相時，更可以清楚見到婚戒。

晚宴後，喬妹亦於Instagram公開新相，不過佢就貫徹低調同神秘嘅風格，公開嘅照片係黑白色調，而且非常朦朧，反而喬妹嘅造型師就於Ig公開另一張見到喬妹靚樣嘅照片。

另外，有韓媒報道宋仲基本來都獲邀出席是次晚宴，不過就因為個人行程而缺席，未能跟老婆一齊去北京。

更多韓流，喺晒《娛果》
http://fb.com/appledailyent