日本人氣組合AKB48今日舉行一年一度嘅猜拳大賽，而每屆一眾成員都會扮鬼扮馬出場，今年都唔例外，即將嚟港宣傳嘅成員渡邊麻友，打破一向嘅可愛形象，竟然扮男人現身，令粉絲十分驚訝。

小嶋陽菜就扮成日本千葉縣嘅吉祥物梨精出場。

可惜二人的出位打扮對運氣冇乜幫助，一早已經輸咗猜拳比賽。

另外，人氣成員大島優子則一身祭日節慶打扮，更坐住轎被抬出場，可惜都係一鋪輸掉。

最後由另一成員松井珠理奈勝出，贏到新曲主唱權，佢勝出後十分激動，坐喺地上哭泣。