沙田馬場今日岳伯仁說。第二場三班田草1200米，羅富全馬房「精明才子」乃前世界馬王「范高爾」子嗣，曾於雅士谷1600米大不列顛錦標跑第六的「精明才子」，上場在港初出狀態未十足，即喺嫌短的谷草1200米入Q，只係輸畀top fit嘅今季三戰不敗馬「僥倖」，表現可謂非常出色。

「精明才子」的騎師羅理雅亦直指，此駒上仗表現遠勝預期，令人驚喜。跑完今場田草1200米後，下次好大機會增程，因為幕後有意出戰四歲馬系列大賽，而「精明才子」目前只評76分，需要搶分先夠資格入選，所以一定盡砌，羅理雅謂下月便跑經典一哩賽，時間緊逼，為了讓自己喺大賽有一匹實力座騎，今仗發揮不容有差錯。