當年今日
關於我們

工辦樓租售價料受壓

蘋果日報 2006/05/27 00:00


近期啲非傳統寫字樓區,工商物業租售價急升,但呢個情況出年可能會有啲唔同。
世邦魏理仕就話,市場估計未來幾年非核心區甲級寫字樓新供應會有成700萬方呎,當中九龍東比重最高,佔450萬方呎。咁龐大嘅供應,估計會喺明年開始對非核心區寫字樓租金造成壓力。
佢哋又話,過去5年IO樓(工業/辦公室物業)供應下滑,02至04年直情係零,未來兩年亦無新貨,但吸納量仍然有番咁上下,所以IO樓出現緊張情況。
由於近年呢類物業吸引寫字樓用家注意,特別係核心區寫字樓租金貴咗,好多公司都走去非核心區搵啲平租辦公室,所以IO樓租金亦都有得升,但幅度就無同區甲級商廈咁高。
𠵱家兩者呎租差距有成8蚊,比03年時嘅3蚊擴大咗好多,亦無形中增加呢類物業嘅吸引力。不過,一旦明年大量寫字樓供應陸續出現,IO樓料將面對巨大競爭。