王宗堯上周日有參加反送中惡法遊行，雖然特首林鄭月娥昨日在記者會宣佈暫緩修例，可是態度未見誠意，更惹巿民反感，晚上又發生令人心痛的墮樓悲劇。

民陣今日再發起6.16遊行，並呼籲巿民穿黑衫參與，王宗堯今日再上街，他穿上黑衫，身上扣了白絲帶，手持白花，他說：「一星期後再出來遊行，相信今日唔止我，大家都有更加大嘅決心。」對於林鄭昨宣佈暫緩修例，王宗堯不屑：「佢用緊比梁振英更加利害嘅語言偽術，相信大家唔係嬲佢講緊啲乜嘢，係嬲佢對香港人嘅態度，今日遊行人數一定比上周多。噚晚又發生墮樓事件，好多巿民拎住花嚟，亦有慈善團體拎住花出嚟派，相信大家個心都好痛。」

問到王宗堯有甚麼呼籲？他說：「希望大家7月2號記得去登記做選民，對傾斜嘅立法會投票。」王宗堯認為林鄭應下台，他續說：「我未試過咁堅決，連梁振英都未試過，我希望林鄭你下台。」王宗堯也關心一同遊行的巿民，他說：「大家補多啲水，千祈唔好嗌交，要平靜咁去行，可以叫口號或同身邊人講句加油，點頭微笑都OK，因為香港人好溫暖。」王宗堯接受訪問後便加入遊行隊伍，其間剛好有一部救護車經過，王宗堯和遊行的巿民都讓路，之後還拍手，當救護車駛走，大家再繼續遊行。

-----------------------------
6月14日至22日 《GAME迷鬥一餐》
玩《小小金魚跳躍王》即有機會贏取 OUTBACK $100現金券
http://bit.ly/2HW1FUH
-----------------------------
【新聞有價】繼續撐蘋果
請往蘋果日報網站了解更多