今朝早七點半左右苗禮德企喺飛機坪出口十分鐘咁耐，原來係等蔣嘉琦上馬操隻「大智大慧」。呢隻三歲澳洲自購新馬上季嚟咗香港之後從未出賽，幕後一啲都唔心急，今季復課之後操練逐漸加強，十月初嘅一課草地試大閘「大智大慧」起步已經搶咗喺前面 最後輕鬆跑第二，今次雖然係初出，不過操練上做足功夫，隻馬本身又有速度，一定要吼到實。