周杰倫同老婆昆凌去年7月迎接佢哋嘅愛情結晶「小周周」Hathaway，轉眼愛女已經半歲大，噚日元旦，昆凌喺夜晚於微博公開寶貝女嘅玉照，唔少網民都覺得囡囡瞓覺樣好似索媽昆凌。

一向係愛妻號嘅周杰倫，元旦冇接跨年騷，原來同昆凌去咗澳洲過節，近日更流出一張昆凌同周董喺機舖打賽車game嘅相，相中所見，佢哋應該同兩個友人連機打，螢幕畫面更見昆凌領先排第一名，該網民仲話「見周杰倫同昆凌回娘家一起打電玩，小倆口的生活方式有些特別，完全就是兩個長不大的孩子」。

不過，另一眼利網民發現昆凌腰間疑有一隻腳仔，估計呢隻腳應該係「小周周」Hathaway嘅，從角度所見，推測Hathaway當時應該挨咗喺媽咪心口，未知係瞓咗覺!?