泳兒最近出埠工作，遇到一啲靈異事件。今日凌晨佢喺ig上載咗一段短片，疑似喺酒店房間內拍攝，片中一個人都冇，但就見到張單人櫈突然自轉咗45度。

泳兒似乎唔係好驚，仲大膽拍片，並留言表示條片係喺化妝師間房影：「化妝師間房張櫈。」泳兒仲hashtag話﹕「唔係電動的」、「向完左轉向右轉」、「淨系講唔好再轉la，就停咗啦」泳兒話化妝師好勇敢，喺咁嘅情況下都冇要求換房，佢話﹕「我哋比佢仲更擔心，勇敢，我瞓先啦，早唞。」唔少網民都嗌好驚，但就有人質疑張櫈 下面有圓盤，應該係電動嘅，留言﹕「電動架嘛！？好似d圓形床咁啫！」真定假？相信要泳兒先最清楚。

更多娛聞，喺晒《娛果》
http://fb.com/appledailyent