星期二（25日）就是聖誕，無論華將同洋將都非常重視聖誕，希望可以同家人、朋友聚一聚慶祝。

不過今季賽期上有「聖誕快車」，周三（23日），26號拆禮物日、29號、元旦日都有馬跑。騎師們即使出席派對，都不敢大吃大喝，以免影響造磅。

正如巴度就最喜歡吃焗火雞，加上薯仔及香草等配料。今年他和女友Eva一齊開餐，但為跑馬造磅，都要食得小心，不敢放肆。

但其中有兩位騎師就不必受減磅之苦，皆因郭能以及潘頓都正值停賽期。郭能日前已回到英國，觀看The London International Horse Show，他在社交媒體上亦上載了幾條德蘭小馬跳欄的影片。

潘頓今次假期則會留在香港，據悉太太Nicole的家人會前來香港一同歡度聖誕。作為重磅騎師今次不用急急造磅，潘頓亦笑言終於有機會吃一次火雞聖誕大餐。