特區政府同傳媒噚日「打大仗」，《逃犯條例》修訂剔除9罪、三隧分流議案再度撤回、沙中綫中期調查報告公開，砲火連連，但新民黨葉劉淑儀就晨早流流喺facebook出po，話自己「打敗仗」。何解？葉劉話，佢發燒燒到39°C，所以開唔到噚日嘅行會、亦開唔到今日嘅立法會大會。

相關新聞：1場記招3個火頭 議員轟混淆視聽 林鄭辯稱要盡快公佈

噚日政府玩「大三元」，剔除《逃犯條例》修訂中的9條罪、再度撤回三隧分流、公開沙中綫中期調查報告，一齊出台，確實又唔係好見葉劉現身回應。今朝佢就喺facebook call sick，表示自己上星期去咗格魯吉亞同埋匈牙利嘅商務考察團，由於當地好凍，加上早晚溫差大，一不小心就冷親。

葉劉返港後又咳又流鼻水，星期一晚仲開始發燒。醫生開咗抗生素同特敏福畀佢，雖然燒就退咗，但係成個人散晒咁滯。醫生都叫佢至少唞3日同埋食晒啲藥，於是噚日開「大三元」嘅行會佢無份、今日嘅立法會大會亦都開唔到。啱㗎喇，有病就要睇醫生，否則返到立法會散播病菌就唔好啦。

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/UkZT7poxmV