當年今日
關於我們

【UGL案】田少質疑律政司此地無銀 不信特首林鄭冇介入

蘋果日報 2018/12/18 00:15

律政司法治許仕仁田北俊建制派曾蔭權梁振英涉貪案中美貿易戰

律政司被揭不就UGL案檢控前特首梁振英時未有外尋獨立意見,曾任立法局/會議員及行會成員、在政圈縱橫多年的自由黨榮譽主席田北俊稱據其觀察,政府若要檢控某人,「相信佢哋會搵一個好堅嘅、喺外國打官司入罪率好高嘅大狀(畀法律意見)」,舉例指梁振英治下「對付」前政務司司長許仕仁及前特首曾蔭權時,律政司都曾向海外御用大律師尋求法律意見,最終提出檢控,惟梁振英涉及的5,000萬UGL案,律政司竟然未有另尋獨立法律意見,田質疑是否此地無銀?他更稱不相信特首林鄭月娥沒有介入,「可能法律意見交畀律政司自己決定,政治決定一定係特首自己揸住。」
記者 許偉賢
雖然曾在2014年佔中爆發引起社會分化後,要求時任特首梁振英考慮辭職,但田北俊接受《蘋果》訪問時指,他對於UGL案的關注並非律政司有否向梁提告,而是政府處理是否得當,因為香港法治極為重要,尤其中美貿易戰下,香港問題已被提升至國際層面,「我哋一定要畀人睇到香港嘅法治係有效嘅,我哋唔係北京想我哋做乜嘢就做乜嘢,呢件事(UGL案)嚟講,我覺得係處理得好差。」
田北俊就此提出幾大質疑,包括坊間最關注的為何律政司沒有尋求獨立法律意見,指律政司為了避嫌,一般會就涉及公職人員的案件外求意見,形容「其實嗰度有少少『過橋』」,指政府若傾向提告,會尋找「好堅」的大狀提意見,「如果(政府)唔想打呢場官司,你都可以請個冇咁堅嘅外國大狀,畀個意見叫你唔好打,咁我覺得呢場戲,都做得似啲嘅」。
但他指律政司現時連獨立意見亦未尋求,「自己都作咗出個判斷而係冇解釋嘅」,令人質疑此地無銀三百兩,「(是否)有嘢好驚,就自己揸主意決定唔告?」加上廉政公署追查長達近四年,當局卻未有披露搜證工作詳情,「查完後到底認為有得告定冇得告?有冇個立場?我都奇怪冇出嚟講。」
相對於許仕仁及曾蔭權的兩宗涉貪案,田認為梁振英涉及的5,000萬數額更大,若以曾蔭權捲入的深圳租樓及雄濤廣播發牌涉及的接受利益罪為例,「當年係梁振英政府話要告,結果反而係陪審團還佢(曾)清白,覺得入面好多疑點唔定罪」,因此認為UGL案若由法庭作判決,或更有助還梁振英清白,「而家反而係好大問號,就算件事不了了之,作為前特首,我相信佢永遠都唔可以說服所有人,佢係冇事」。他強調不認為可隨意提檢控,最重要是有否足夠證據,但至今獲得的資料有限,認為鄭若驊有需要交代更多詳情,表明不相信因為梁是政協副主席而不被起訴,「內地嚴厲打貪,政協副主席(地位)高得嚟唔係咁高,好多高過都(落馬)啦!」
雖然林鄭曾指檢控工作由律政司負責,不受干預,特首不會參與每宗案件,但田北俊不相信林鄭沒參與:「你話純粹律政司司長一個人拍呢個板(不檢控)?我就唔信嘞,中央官員都講過,特首係超然」,他以梁振英在任特首時,時任「梁粉」行會張震遠幾年內未被起訴,相反林鄭一當特首就提控,指因此令人質疑涉及前特首的巨款案下,「(個案)一定會去到林鄭嗰度,唔相信佢冇介入」,更假設指:「可能真正情況係,鄭若驊去問佢意見,特首話:『唔好拖我落水,因為我選特首時梁振英撐我喎,我而家去郁佢冇乜義氣喎,你去拍板啦』」,田認為鄭若驊交代時也須一併交代林鄭的角色。
empty
田北俊稱由法庭做裁決,最能還梁振英一個清白。朱永倫攝
empty
雖然林鄭月娥稱檢控與否由律政司作決定,但田北俊相信作為特首的林鄭有介入此案。朱永倫攝
empty
律政司被指放生梁振英,田北俊也稱當局處理此案手法極差。朱永倫攝