中環在線：徐子淇父憑女貴 做執董年342萬 - 李華華
蘋果日報 2009/07/20 00:00
徐子淇嫁入豪門，做咗香港股神李兆基嘅新抱仔，做老竇嘅亦父憑女貴，徐爸爸徐傳順做咗香港資源（2882）執行董事。呢間公司前身係海域化工，黃英豪做白武士接收咗之後，重組後改名做香港資源，即搵貴人徐傳順坐鎮，現年55歲嘅徐爸爸作為香港資源執董，上年就咗300幾萬銀年薪。
助引四叔揼水
睇番香港資源重組後首年新鮮出爐嘅年報，徐傳順09年度總薪酬有342.1萬銀，當中除咗薪金150萬銀（即每月平均12.5萬銀）之外，仲包括191.5萬銀「股本結算以股份為基礎之付款」，應該係認股權之類。以海域化工重組兼改名香港資源後，喺上年10月3日恢復買賣，當日股價0.95元計算，至上周五收報1.5元，股價大升58%，徐爸爸收穫唔少。
做咗香港資源後，徐傳順冇令黃英豪失望，好快就斟掂親家四叔，同女婿李家誠揼水，等公司可以接收金至尊。查實徐爸爸本身都幾猛料，持有財務學碩士學位，係香港會計師公會嘅資深會員，喺中電（002）做咗廿幾年，出任過唔少管理職位，後來中電將佢借調去大亞灣核電廠做總審計師，幫手住盤數。家陣收購咗金至尊，唔知徐爸爸會唔會為個女做尊金像呢呵？
做咗香港資源後，徐傳順冇令黃英豪失望，好快就斟掂親家四叔，同女婿李家誠揼水，等公司可以接收金至尊。查實徐爸爸本身都幾猛料，持有財務學碩士學位，係香港會計師公會嘅資深會員，喺中電（002）做咗廿幾年，出任過唔少管理職位，後來中電將佢借調去大亞灣核電廠做總審計師，幫手住盤數。家陣收購咗金至尊，唔知徐爸爸會唔會為個女做尊金像呢呵？
徐子淇（右）嫁入李家，其父要搵佢老爺揼水，自然水到渠成啦。
人工拍得住主席