渣打集團(2888)行政總裁(CEO)冼博德盛傳冇得留底,仲話最快下個月有公佈,孖屐就不停估領袖,傳出多位人選,包括三年內成功將英國萊斯銀行(Lloyds)市值谷大一倍嘅萊斯行政總裁奧索里奧(Antonio Horta-Osorio)、年僅三十九歲嘅滙豐英國行政總裁司馬安(Antonio Simoes),仲有澳洲銀行Westpac機構業務主管Rob Whitfield。
咁有冇機會喺內部升人?市傳渣打歐、美、非、中東部行政總裁Viswanathan Shankar,同埋企業融資部主管Mark Dowie都有份跑馬仔。不過有分析指,內部晉升嘅機會唔大,多數喺外面搵人空降。