美國歌后瑪麗嘉兒（MariahCarey）嘅54歲家姐AlisonCarey，近日聲稱被困喺紐約市一家醫院嘅精神科病房，希望妹妹會救佢出來。

曾經是性工作者兼染咗毒癮嘅Alison，三個月前因為一宗離奇爆格案受傷送院，佢當時指被人闖入家中偷珠寶，醒來時候頭部及口部受傷，但係佢話唔記得案發經過。之後佢被送到精神科接受治療，不過佢又稱當佢拒絕打鎮靜劑時會被職員毆打，希望瑪麗會幫助她。

不過瑪麗同家姐94年嗰陣鬧翻，感情唔好，瑪麗唔願意同佢來往，Alison只好透過傳媒傳話俾妹妹聽。