伍詠薇同「契細佬」陳山聰2011年突然割席，有指原因係當年山聰成功追到何家千金何超雲，更被金錢沖昏頭腦。

不過，緣份令呢對契姊弟再遇上，本月初，伍姑娘同老公練海棠、陳山聰及女友Apple不約而同遊東京，偶遇之下趁機gathering，伍姑娘同山聰仲喺Instagram貼出「世紀復合」飯局相，兩人又牽手，又作狀互嘴，山聰仲留言：「一吻解千怨！盡在不言中！I love you！」（新聞連結： http://bit.ly/2tF0XkH ）

伍姑娘同陳山聰異口同聲話返到香港要約埋契妹陳敏之gathering，呢個家庭大聚會今晚終於舉行，席間有伍姑娘夫婦、陳敏之夫婦、陳山聰同女友、陳山聰胞兄同嫂嫂等，好熱鬧，並由陳敏之喺facebook貼相分享。伍姑娘今日回覆《蘋果》話：「喺日本，山聰同哥哥請食飯，食咗三餐，返嚟香港我約番餐屋企人食飯，錢唔係問題，食餐便飯，最緊要家庭聚會，reunion。」