馬主袁仕傑自從前馬王「好爸爸」揚威國際賽後，已多年冇真正威過。近年他養馬運平平，好似「好香港」未贏過出局；「閃電將軍」、「好爺爺」、「氣象一新」未跑就退役，今期(25號)第五場佢匹新貴「精壯神駿」在港初出，剛周二告達理馬房還神，袁仕傑一早到場，誠心上香兼切燒豬，話唔定好似告達理咁，拜完神周三晚就即刻贏隻「歡喜」。
講開又講，「好爸爸」過往曾離開告達理馬房，如今袁仕傑再次同大告拍住上，兩人目標一致，70分嘅「精壯神駿」早前由郭能試大閘跑贏90分馬「聰明才智」，埋門大告仲親自試彈多課閘，擺明唔好唔出。