由金像女星艾莉西亞菲瑾德(Alicia Vikander)主演嘅新版《盜墓者羅拉》(Tomb Raider)即將於下星期上畫,一直以來外間都將佢同安琪蓮娜祖莉(Angelina Jolie)比較,更因為兩人外貌形象都差太遠而覺得艾莉西亞唔夠傳神。近日艾莉西亞出席電影活動,再次被問到點睇「舊羅拉」安琪蓮娜祖莉,佢就好謙虛咁話自己冇得比:「我永遠都唔可以同安琪蓮娜比,佢令自己變成角色代表,因為佢本身就係一個榜樣。」但當然佢都力撐新作有好多優勝嘅地方:「呢次係完全唔同嘅演繹,我哋集中於改編新版嘅電子遊戲。個故仔本身係原創,我哋無嘗試去抄或者再重覆安琪蓮娜做嘅事。」