英國練馬師高伯新今朝有特別舉動，就係竟然做埋馬伕嗰份，親自拖馬。邊啲馬咁受重視？原來就係「直震撼」同「大運財」，無獨有偶，兩駒均由韋達策騎。其中練者天都未光已經拖住「大運財」，重視程度，可見一斑。「大運財」將在周日再度角逐香港一哩錦標，上屆此賽此駒只跑第二，且看今回「大運財」以「最佳一哩馬」之名而戰，能否一前恥。