甄子丹、張晉同熊黛林等主演嘅《葉問3》噚日開畫，統計第一日開畫同累積優先場票房，《葉問3》票房已經累收$780多萬，比同期上畫嘅《星球大戰：原力覺醒》首日開畫同累積優先場票房$500多萬，高出$200多萬，但係如果只係計上映當日嘅票房，其中平安夜單日開畫票房收$350多萬，而《星戰》$400多萬，係都只係輸少少，不過《星戰》嘅票價比《葉問》貴，所以人次都贏番，仲成為今年港產片開畫票房冠軍。

部份觀眾則利用《葉問3》功夫電影珍藏本中嘅AR技術，讓葉問、張天志同費蘭奇大戰《星球大戰》系列嘅黑武士及白兵，設計出搞笑場面。