日本偶像組合AKB48人氣爆燈，AKB48過往試過有成員被偷拍到拍拖的話，通通都要執包服，之前有平嶋夏海、米澤瑠因拖手事件被out出隊。

今日又有21歲成員增田有華，被今日出版ｏ既日本雜誌《週刊文春》拍到日前去DAPUMP成員ISSA家中過夜的照片，前夜深夜時份增田ｏ係個人官方網頁承認去過ISSA家過夜，但就否認同ISSA拍拖，雙方所屬事務所都死撐佢ｏ地唔係戀人關係，增田更聲稱為自己輕率ｏ既行為負責，決定離開AKB。

據知，增田與ISSA今年9月曾經合演舞台劇，而ISSA上年曾宣佈會同女星福本幸子結婚，不過他所屬事務所表示ISSA已經同未婚妻福本分手。