憑日劇《逃跑雖可恥但有用》將事業帶上高峯嘅新垣結衣，今日29歲生日，唔少網民都留言祝結衣BB生日快樂，包括《逃恥》官方Twitter都有留言。而其代其廣告商仲整咗個肖像蛋糕祝佢生日快樂，個蛋糕配合結衣BB於新劇《Code Blue》再演醫生，同喺新片《MIX》演乒乓球手，所以蛋糕上嘅佢又戴聽筒，又拎住乒乓球拍。

結衣BB會聯同山下智久同戶田惠梨香合作新一季《Code Blue》，有網民就發現結衣BB慶祝20歲時，都係於片場與《Code Blue》拍檔一齊過。

另外，近日有調查機構以10幾歲年輕人為對象調查，選出最具影響力藝人，結果結衣BB只得第3，首位係人氣男星菅田將暉，隨後係《人100%靠外表》上位諧星Buruzon Chiemi。