美國著名饒舌歌手Eminem以前好鍾意喺歌曲提及嘅寶貝女HailieScott，今年已經18歲，最近仲中學畢業。原來阿囡好生性，喺密西根州嘅ChippewaValleyHighSchool以高分榮譽畢業，仲成功上埋校報，真係光宗耀祖。

Hailie喺校報話喺佢生命中對佢最重要嘅人係父母，多謝父母嘅鼓勵同支持。Eminem睇到應該會好感動。Hailie除咗讀書叻，拎過學業獎之外，份人仲好外向同好動，參加咗排球隊、加入學生會、美術學會等等。

嚟緊Hailie會升讀密西根州大學,睇嚟佢唔會步老竇後塵入樂壇，因為佢喺就業展望填咗想向心理學或者做生意方面發展。