麥明詩被擺上枱 獲6位數邀請做「林鍾一戰」嘉賓
林作麥明詩鍾培生
近日不少贊助商、YouTuber等都收到鍾培生的建議書,列明冠名贊助金額,當中還有邀請麥明詩做嘉賓,擺明是想借助麥明詩和林作這對過氣戀人關係,增加吸引度。《蘋果》今日致電鍾培生,他表示是商業機密,但承認有邀請麥明詩參與,他說:「都係TBC(to be confirmed),我係有同佢傾過,我感覺佢自己就有意願嘅,但detail就要問佢經理人。」他直言是因為話題性:「呢個好明顯啦,睇留言啫,觀眾想搵麥明詩表演,我咪搵麥明詩,可能今日觀眾想我唱首歌,我咪唱首歌囉,最緊要觀眾開心。」
覺得麥明詩意願有幾多?他說:「睇價錢啫。信心?計緊數,睇吓有冇咁嘅需要。」問到是否開7位數字酬勞?他笑說:「咁梗係唔會畀番7位數佢啦,儍咗咩,6位數就要嘅。」他計劃5、6月開售門票,但亦擔心疫情影響入場人數:「擔心㗎,但我哋都係沿住限聚令咁去sell。」而麥明詩則以短訊回覆:「唔清楚,有咩佢同我經理人傾啦。」
鍾培生在記者會上全程面黑,與林作火藥味濃,已有陰謀論只二人夾計炒新聞。(資料圖片)
鍾培生找林作前度女友麥明詩做表演嘉賓,明借話題性炒熱「林鍾一戰」。(IG圖片)
-----------------------------
-----------------------------