當年今日
關於我們

【我真係恭喜你呀!】冇求婚都肯嫁 25歲吳若希:可能到時悔婚呢

蘋果日報 2017/09/22 14:47

結婚註冊吳若希年底何兆鴻

【新增回應】
恭喜恭喜!吳若希終於嫁喇!
吳若希(原名吳嘉妮)今年4月為澳門闊少何兆鴻男友Alex誕下囡囡Giselle後,已經放晒聲氣話想生夠四個,希望之後追仔再生孖胎。咁婚期呢?佢就話年尾會同Alex先註冊,明年舉行婚禮。
依家吳若希長居澳門,但未註冊成為合法夫婦,原來吳若希本月8日已入紙申請結婚,預期婚期係年底!
恭喜晒!
婚禮舉行在即,吳若希依然密密食,今午兩點幾,佢就放咗張成枱食物嘅相,大快朵頤:「其實我是台式料理的腦殘粉⋯在香港想吃的話~這間的魯肉飯真的非常非常非常好吃!是非常非常非常好吃!我現在好想吃!!!!#三星台菜食堂」嘩,食到有雙下巴喇,要忍下口做個靚靚新娘子!
而準人妻吳若希回覆傳媒時話:「婚期未定實,不會大搞,簡單上律師樓簽紙。唔擺酒,麻煩呀!出年請親友去第二度旅行。」問會唔會一家三口影婚紗相?吳若希:「婚紗相會飛外地影,所以唔會帶囡囡啦,阿囡剛剛學識笑,好搞笑!」吳若希話男友冇跪地求婚,記者笑佢咁都肯嫁,吳若希鬼馬表示:「可能到時悔婚呢!」就嚟榮升人妻,問到心情係咪興奮緊張?佢話:「冇呀,心情平淡!」男友有冇叫你退出娛樂圈做少奶奶?佢招積話:「全力支持我工作。」
empty
empty
距離婚禮仲有三個月,今時今日仲密密食… (吳若希fb圖片)
empty
吳若希喺9月8日入紙同闊少結婚。