樂視體育預計周四結業，換句話說昨晚史篤城對曼城的英超，將為樂視最後一場英超直播。而有份評述該場比賽的評述員何輝就以錄音回應傳媒的查詢，他的詳盡回應如下：

「大家好，我係何輝。當然亦有份喺樂視體育做足球評述員，大家都知道如無意外，樂視體育即將會停止佢嘅服務。

首先喺呢度多謝各位對我哋同業與及公司職員嘅關心，事實上亦可以講係有啲婉惜，因為始終間公司嘅管理或者各個層面做成點都好，咁我作為評述員唯一能夠做嘅就係做好我地份工，希望可以做到最好咁樣。

咁除此之外，譬如公司嘅管理同埋方向咁我地無可能有太多嘅參與。舉個例，好似香港以前都有銀行出過一啲問題，無論個間銀行係咪做得好，相信大眾都唔係好想見到呢啲咁嘅事。咁至於英超嘅球迷，我諗你地唔使咁擔心，因為好快就會再有得睇，即係無縫咁就會有得睇。

咁係呢件事上睇到嘅，就係個世界同埋個產業係變化得好快好快，快到可能係瞓醒幾覺，或者做一，兩季，咁就已經好多嘢唔同咗。呢個唔單止係中國內地或者香港會有咁嘅事，全世界都出現緊呢個情況，即係你見到球壇呀都有好多更迭咁樣。再次希望受影響嘅人士唔會因為呢件事而麻煩，而相關嘅人士亦可以順利過渡。」

--------------------
永不獨行！利物浦 FC 當季球星降臨《BFB》！立即帶領紅軍，創造新輝煌！ http://bit.ly/2oQObi1