王家淇為早前跟姚琰欣(Bonnie)宣傳電影《有罪》時不和爭吵，出席電影首映嗰陣，艾美琦幫王家淇出頭叫姚琰欣收口（新聞連結： https://bit.ly/2zJp2fJ ），好有霸氣。

不過王家淇今日就喺銅鑼灣舉行道歉記招，會上佢宣讀一份致歉信，內容大致指作為演員要品行端正，唔應該去計較人哋嘅過失，而引起是非新聞，搶去電影本身嘅目的同意義，而佢今次道歉，仲話唔係為咗獲得其他人原諒，而係畀自己警示，需要更多包容。

雖然係咁，但佢就冇回應自己有冇同Bonnie聯絡，亦冇通知任何人開記招道歉，問到係咪驚將來冇電影拍而道歉？佢話︰「唔係，我覺得自己唔應該用是非嚟炒作。」佢指導演冇因為件事而唔開心，但認為演員應該有自己嘅素質。電影上映後，佢已經有電影片約洽談中，今個月11號亦會到台灣開鏡，問到有冇為事件而搞到抑鬱？佢就話︰「有深深反省自己，慚愧後悔唔應該爭吵。」

精選娛聞，喺晒《娛果》
http://fb.com/appledailyent