大個女學人瘦身搵銀
唐寧24"纖腰引貓仔𠱁𠱁轉

蘋果日報 2003/03/14 08:00


近日和歐錦棠傳出緋聞的唐寧,在童星時期曾接拍多個廣告,現年二十一歲的她日前接拍成年後首個廣告,為V2清脂修身素擔任代言人。日前唐寧穿上三套露臍T恤及熱褲,在柴灣一影樓內拍攝平面廣告。

S形煞食
唐寧在拍攝時,攝影師要求她躺在沙發上,大擺S形甫士,她還拿着漢堡包和薯條做道具,之後她又要跳來跳去,大騷其瘦身後的二十四吋纖腰,但在場的一頭小貓咪「阿貓」,卻不時在沙發附近周圍走,結果要工作人員即場捉貓。
當日唐寧只拍攝了三個小時,可觀酬勞即告落袋,問她收多少酬金?她說:「總之滿意啦,呢次係我成年之後拍嘅第一個廣告,我會將筆錢儲起,到有機會再拍多啲廣告嗰陣,我至會諗吓點用筆錢。」

拍劇游水
唐寧又說:「我呢排除咗食呢隻健康食品之外,都有戒食飯。我近排接咗無綫套新劇《戀愛自由式》,日日都要去游水,所以我都瘦咗幾磅。我覺得𠵱家自己嘅身形有八十五分,應該可以再瘦啲。」
至於廣告商方面則表示,覺得唐寧形象健康,所以邀請她擔任代言人,簽約一年,而廣告將於本月尾正式推出。
採訪:朱芷瑩
攝影:陳慧安