【被指賤男】天堂鳥Tyrese澄清︰無同過Mag一齊！

蘋果日報 2020/06/20 17:15

林欣彤天堂鳥BOP歐喬鋒PumpkinJenn
    男子組合BOP天堂鳥成員歐喬鋒（Tyrese）曾盛傳跟林欣彤（Mag）拍拖，不過兩人當時都否認，稱只屬普通朋友關係。直至今日有報道指Tyrese一腳踏兩船，背Mag戀上網絡紅人Pumpkin Jenn，更形容Mag是慘被狠飛。
    對於被冠上負心男指控，Tyrese接受《蘋果》訪問時澄清從來沒有跟Mag拍過拖，他說︰「我只係有新戀情，但我從來都無一船踏兩腳，一路以嚟都無同過Mag一齊，但而家就話到我好似賤男咁，所有寫關於我同Mag嘅嘢都唔係事實。」又稱接受報章訪問時只提到跟女友Jenn的戀情︰「當時佢哋淨係問我係咪拍拖？點樣識同開唔開心呢啲，但之後嘅嘢全部都唔係我所講嘅。」
    報道出街後Tyrese表示未有影響跟女友Jenn的感情，他說︰「佢無唔開心，因為大家都知道唔係事實，公司同兩位兄弟都一樣。」至於可有就此事聯絡過Mag？他說︰「無聯絡過，既然唔係事實亦唔需要刻意去解釋。」就此報道聯絡過Mag，其所屬的華納唱片公司對此表示不回應。
    -----------------------------
    打國際線 《蘋果》英文版免費試睇 按此了解更多
    英文版已登錄新版《蘋果》App按此下載/更新
    empty
    對於被指一腳踏兩船，Tyrese澄清從來沒有跟Mag拍過拖。 （IG圖片）
    empty
    報道出街後Tyrese表示未有影響跟女友Jenn的感情 （IG圖片）
    empty
    Tyrese女友Pumpkin Jenn為網絡紅人。（IG圖片）
    empty
    林欣彤透過所屬公司稱不回應報道內容。 （IG圖片）
    empty
    Tyres和Mag曾傳緋聞，不過兩人都否認，稱只屬普通朋友。
    empty
    Tyrese稱公司和兩位拍檔都對事件表示理解。